Sundag 3.november er allehelgensdag, eller det som vi gjerne forbinder med «Halloween» (sjølv om vi ofte feirar den 31.oktober). Difor inviterer vi til Halloween-bowling ved Førde Bowlinghall frå klokka 15:00 – 17:00.
Det vil bli bowling i ein time, der vi har hallen for oss sjølve og kan dempe både lyd og lys. Der er også høve til å sette opp grind på sida av bana for dei som ynskjer dette, eller å bruke hjelpestativ for å få trilla ballen.
Når vi er ferdige med sjølve bowlingen har vi eit rom tilgjengeleg i 2.etasje, der vi kjem til å servere pizza. Vi tek imot bestillingar ved ankomst bowlinghallen klokka 15:00. Det vil vere pizza margarita og pizza med enkelt fyll, men om det er spesielle ynskje eller born/vaksne som ikke spiser pizza, kan hamburger eller pommes frites serverast som alternativ. Då må vi få beskjed om dette på førehand ved påmelding. Kvar enkelt får også med ei brus, men eventuell annan drikke, mat eller slush må kvar enkelt betale sjølv.
Dei som ynskjer det kan gjerne kle seg ut, men det er ikkje noko krav for å vere med.
Prisar:
Medlem av autismeforeningen kr 50,- pr stk
Ikkje medlem kr 100,- pr stk.
Ikkje medlem, familie over 4 stk makspris kr 400,-
Påmelding til: sognogfjordane@autismeforeningen.no innan tysdag 29.10.