Foreldregruppa i Vestnes ut i nærmiljøet

Ansvarlige for å drifte Foreldregruppa for Autisme/ Asperger syndrom i samarbeid med ADHD lokalforening hadde i dag stand på Vestnes Brygge.

Formålet med denne aktiviteten var å informere besøkande om foreldregruppa sin aktivitet, tilknyttning og om foreninga vår. Vi delte ut eit skriv om foreldregruppa til dei som var interessert. I tillegg hadde vi med oss brosjyrer med litt info om diagnosane.

Vi vart godt motteke av forbipasserande som synes dette var ein fornuftig informasjon å formidle.

På stand fann vi Roger Rishaug frå Autismeforeningens fylkeslag og Siv Nekstad frå ADHD foreninga. Her er ikkje samarbeidet mellom foreninga noko problem:) Desse diagnosane har mykje felles interessearbeid var det einighet om. Det var kjekt å komme ut å gje folk informasjon om foreldregruppa sin aktivtet, og kanskje får vi også fleire inn i foreldregruppa. Vi har også planer om å gjenta stand litt ut på nyåret 2013.

Foreldregruppe i Vestnesfor Autisme/ Asperger syndrom og ADHD.

Autismeforeningen i Norge Møre og Romsdal fylkeslag og Fylkeslaget i Møre og Romsdal ADHD NORGE, arrangerer i samarbeid:

Faste møte siste onsdag i kvar månad kl. 19.00. Møta er på Frivillighetssentralen i Vestnes. Du er hjarteleg velkomen til ein hyggelig kveld!

Målgruppe: Pårørande/nærpersonar til barn og ungdom med aktuelle diagnosar.

Aktivitet: Vi har tema og utvekslar erfaringar vi har med offentlege tenestetilbod og livet med diagnose. Å treffe andre i liknande situasjon er likemannsarbeid som er til nytte for foreldre. Vi erfarer at diagnosegruppene at mykje felles behov overfor offentlege tenester. Dette gjeld både hjelpeapparatet og rett til økonomisk stønad. I ein kommune som Vestnes får vi eit breiare miljø ved å vere saman om ein slik aktivitet.